舒淇和任賢齊在《韓城攻略》中飾演歡喜冤家，其中有場戲舒淇更要用地拖攻擊小齊，她大呻辛苦，卻遭小齊嘲笑。
梁朝偉、舒淇和任賢齊主演的電影《韓城攻略》將在賀歲檔期上映，該片打鬥連場，除了偉仔和小齊對打過招，女主角舒淇亦不讓男士專美，不僅吊威吔，更向小齊大起飛腳。
舒淇日前說：「雖然我嘅動作鏡頭唔係咁多，但足以令我頂唔順，就連手手腳腳亦打到就嚟斷。」
由於舒淇近年主力拍攝文藝片，故她最初接演《韓》片，顯得不太適應，需要一段時間才達到武指的要求，她笑說：「好老實，早幾年我啲身手係比較好，因為成日拍動作片，但呢幾年少拍咗，反應係比較慢，所以起初聽導演馬楚成講，要我同小齊對打，我真係嚇咗一跳。」
小齊一向酷愛運動，做甚麼動作也難不倒他，舒淇要跟他對打，當然承受很大壓力，故舒淇擔心自己做得不好，會頻頻NG，影響拍攝進度。
舒淇說：「正式拍攝時，導演要我攞住個地拖當武器打小齊，我重以為好過癮，點知打起上嚟先知攞住地拖打都幾辛苦，小齊重喺旁邊笑我話，唔好以為用地拖打人好容易，比舞刀弄槍更難。」
