李嘉誠嘅頭號馬仔霍建寧嬉皮笑臉，在電視向全港市民話，和記電訊國際因政府政策唔就佢哋，要裁員七百五十人；重死撐自己唔係無良，只係精明。
本來，霍生身為全港納最多稅嘅打工仔，係好多打工一族嘅偶像。不過，如果要做到佢咁，怕且好多人都唔制。打爛人哋嘅飯碗，重講到好威咁，又話冇被炒嘅同事好開心；涼薄兩個字點解，睇到晒。
呢啲情景，喺馬世民做和黃大班嘅時候絕對唔會出現。熟識李嘉誠嘅人同八方講過，超人就快八十，近年最緊張個人嘅名譽，所以又捐錢興學贈醫，又捐錢賑災，但係做乜好事都冇用，霍建寧喺鏡頭前得意忘形講一分鐘，全部公關努力都化為烏有，唔知佢哋個公關部班高手，事前有冇機會提吓意見呢？
傳真︰2623-9278
電郵︰