田北俊喺粉嶺嘅地區辦事處噚日開幕，梁愛詩、王永平同埋馬時亨三個高官都有畀面到賀。管公務員嘅平叔話，相信特首辦會積極搵人接替煥光。林煥光做事能幹、有承擔，相信將來都會搵到其他崗位，繼續服務市民。
至於由邊個接任，平叔就唔comment啦，淨係話公務員好多人才，唔驚唔夠人喎！
不過，有周刊噚日封面報道，話林煥光劈炮另有內情，林煥光係俾老董迫走，因為老董嘅私德標準好高，可以容忍官員做嘢一塌糊塗，但唔可以容忍啲官私德有瑕疵，加上董林不和，所以林煥光先至要趕喺半夜前辭職。
如果報道屬實，平叔重咁樣大讚林煥光，睇怕都會得罪老董，可能特首辦內部嘅矛盾，連平叔都唔知道啩。
傳真︰2623-9278
電郵︰