南亞海嘯發生咗已有兩個星期，傷亡慘重，本港各界紛紛發起籌款賑災活動。好似小小超李澤楷嘅盈科保險咁，上次班員工喺日半時間內已經為紅十字會籌咗二十幾萬，不過善事唔怕做，佢哋又計劃今日同聯合國兒童基金會籌款，搵咗陳方安生去講嘢。
八方問盈保，佢哋話每年年頭，保險公司會有一個習慣，就係所有營業員有一日唔使搵生意，用嚟舉行員工大會，加強內部溝通同交流。今年搵咗陳太做主講嘉賓，題目係「愛所以關懷」，所以佢哋想藉呢個機會再籌多一次錢，盈保主席袁天凡重應承咗為籌款包底㖭。
傳真︰2623-9278
電郵︰