對於即將有機會代表香港隊出戰世界冠軍巴西，港隊主力們都感到期待萬分。港隊後衞李偉文說：「好興奮，能夠喺職業生涯中面對到世界盃冠軍球隊，呢個機會非常難得。」來季將轉戰中國超級聯賽，效力上海中邦隊的港隊中堅吳偉超，亦表示這是從對手身上學習的好機會：「雖然呢個只係表演賽性質，巴西隊嘅比賽態度未必會太過認真，但能夠同咁頂級嘅勁旅交手，絕對係一次好經驗。」
於○三年夏天，曾為港隊把關迎戰另一世界級勁旅皇家馬德里的門將范俊業，則希望能夠與朗拿度「重逢」。范俊業笑說：「呢次面對嘅係世界冠軍，一定會更加努力備戰，希望球隊部署上做得更好。如果朗拿度有份上陣，或者會記起我，因對皇馬時我曾喺出迎救球時，向佢嘅膝頭踢咗一腳。」
至於港隊前鋒歐偉倫，感到最開心的是香港足總今次願意讓港隊出戰，而非以往派遣有外援助陣的「港聯隊」應戰。歐偉倫說：「足總今次擬讓香港隊出戰，可以話係對港隊近期進步表現嘅認同，咁先至係最值得開心嘅。」若足總最後派出香港隊應戰，這場表演賽就會被國際足協認可為A級賽事，成績將計算入兩隊世界排名得分。
足球王國巴西國家足球隊下月訪港哄動全城，昨午一批剛看完省港盃賽事球迷得悉消息感到非常雀躍，普遍認為是本地球壇難得盛事。有球迷直言，雖然香港隊與對手實力懸殊，但能夠近距離欣賞到「森巴」足球的確機會難逢，一些老球迷更希望足總多考慮邀請具份量的國際足球勁旅訪港，刺激本港球市。
儘管客軍球星如雲，但綜合一眾球迷意見，剛奪得世界足球先生榮銜、外號「細哨」的人氣球星朗拿甸奴始終是風頭躉，無論男女球迷都視為頭號偶像、星中之星，更希望「細哨」屆時施展渾身解數，踢出身價波。
本報記者
