作為一份報紙，星島已經有六十六年歷史；作為一家上市公司，星島呢個名字已經喺○二年九月之後消失咗。八方估唔到，兩年幾後，星島個名又會喺股市行情表出現。因為星島嘅母公司泛華集團，諗住將個名改做星島新聞集團。
八方喺度講吓小小歷史，香港煙草嘅老闆何柱國，喺二千年六月收購柏寶集團，兩個月後將公司改名泛華。○一年一月，何柱國透過泛華，收購咗星島集團，從而控制咗有超過六十年歷史嘅星島日報。
點知去到○二年七月，星島將所有傳媒資產派晒畀股東，跟住大股東泛華就向小股東買埋佢哋手上呢啲傳媒資產嘅股權，咁樣泛華就將星島日報私有化咗。過多兩個月，泛華重將星島嘅上市公司殼都賣埋畀其他人㖭。自此，星島呢個名就喺股壇消失咗嘞。
傳真︰2623-9278
電郵︰