今年六月有唔少大人物蒞臨香江，皆因太平洋地區經濟理事會喺香港舉行國際年會，到時副總理吳儀會來港出席開幕晚宴同致辭，馬來西亞總理巴達維同埋世貿總幹事素帕猜都會出席，可謂星光熠熠。會議將討論環球經濟挑戰、世貿前景、恐怖主義威脅，同埋日本與拉丁美洲最新發展。呢個會算係十二月世貿部長級會議喺香港舉行嘅前奏。
不過，呢個會議嘅特別之處，係閉幕晚宴將會喺澳門舉行，由澳門特首何厚鏵主持閉幕。睇嚟澳門嘅地位正在提升，香港雖然重叫做金融中心，但現時上海係咁追上嚟，遲多幾年唔知香港會唔會連開幕禮都冇得做。
傳真︰2623-9278
電郵︰