逾一百五十位中、港、台及星泰藝人演出的《愛心無國界演藝界大匯演》前晚在香港大球場演出完畢，作為召集人之一的曾志偉表示對籌得三千六百多萬善款感到非常滿意，但坦言逾二萬觀眾進場，數目比預期少，志偉說：「我哋諗住籌到三百萬左右咋，估唔到會有呢個數，一百條電話線爆晒，但入場人數比想像中少，可能座位太遠，我哋又唔可以喺草地上加位。」
前晚因節目超時，最後沒有播出周星馳、王菲及譚詠麟等的呼籲片段，志偉說：「我唔想嚟到嘅歌手冇得唱。」至於吳君如對着吳小莉叫「小你」，志偉開玩笑說：「佢冇家教，我會打畀佢老竇夏春秋，佢對住人猛叫小你，人哋叫吳小莉呀。」
久未露面的藍潔瑛前晚亦主動到場幫手，當晚她負責聽電話，結束後她亦有出席慶功，藍潔瑛說：「有份幫手好開心，我都捐咗少少錢，如果有人叫我去災區幫手，我都會去。」
採訪：胡比、魯萍
攝影：林德雄