救世軍噚日喺修頓室內運動場為「國際青年及兒童年」進行開展儀式，八方碰到一位久違嘅銀行家唐柏萃（PatrickThomas）（圖右）。
已退休嘅唐翁，重係當年咁型仔，呢位被同行尊稱為港元債券之父嘅資深賓㗎，先後喺多家歐、美資大行主管定息債券，一手創辦高翊金融服務（金融風暴後併入法國巴黎百富勤），又力倡政府積極推動本地債市，並歷任多屆資本市場公會主席，可以話今日港債市場開花結果，佢老哥都出過唔少汗水。
噚日同太太一齊出席嘅唐柏萃，原來一直有幫手推動救世軍活動，為響應南亞海嘯賑災，佢專登將自己嘅結集詩本拎出嚟義賣，真係有心。
傳真︰2623-9278
電郵︰