八方噚日喺一個研討會上，見到久未露面嘅衛生福利及食物局前局長楊永強，八方醒起EK係大馬人，立即上前問候吓佢喺大馬嘅老家有冇受到海嘯影響。EK話好好彩，佢哋住嘅怡保位處內陸地區，冇受海嘯襲擊，所有家人同朋友都安然無恙，佢話見到海嘯災民咁慘，都捐咗多少錢去賑災，佢重話下個星期會返去大馬睇睇。
雖然EK已經退位，但佢話𠵱家做番小市民之後，其實都好忙好多嘢做，忙吓裝修屋企同埋休息。至於去兩間大學教書呢，佢話重未實行，事關𠵱家佢重好有holidaymood（度假情緒）。咁佢又會唔會返政府做特首辦主任呢？佢即刻笑住話：「唔係嘛？」
（圖）久未露面嘅楊永強（右二）噚日出席港大舉辦嘅防止自殺研討會，律政司司長梁愛詩（左二）亦有到場。李家皓攝
傳真︰2623-9278
電郵︰