由人氣男星權相佑同女星金喜善主演嘅話題韓劇《悲傷戀歌》，已經喺上周三播出。除咗收視未如理想之外，近日套劇重俾唔少觀眾投訴劇中播放太多歌曲，擾亂觀眾嘅情緒。由於金喜善喺劇中飾演一名失明女歌手，所以劇中有唔少音樂片段。電視台原意希望透過歌曲嚟增加氣氛，估唔到竟然俾觀眾嫌歌曲太多，妨礙睇戲，重要求電視台刪減背景音樂。