混血模特兒Danielle、李嘉慧及嘉碧儀昨日由銅鑼灣出發遊電車河，為某護膚品品牌宣傳。在車上，大會又安排三位靚女做美容測試和占卜問前程，李嘉慧更被指下半年會作多元化發展。
混血模特兒Danielle昨日以護膚品品牌Olay代言人身份，偕同李嘉慧及嘉碧儀由銅鑼灣電車總站出發，遊一圈電車河，各人在車上大玩美容測試及占卜。
昨日李嘉慧在電車上玩占卜時，被指今年下半年會作多元化發展，她說：「係咪話我會拍戲呀？自從我影咗輯比較性感啲嘅相後，已經有人搵我拍性感戲，點知一傾之下個尺度真係唔可以接受，要性感到好似妮歌潔曼喺電影《大開眼界》咁，差唔多要全裸㗎。」
Danielle則透露新年在家鄉馬來西亞與家人度過，農曆新年則計劃往峇里旅行，她表示不怕再有海嘯，她說：「我覺得天災係冇得避嘅，整定係你時，無論喺世界上邊個角落都會遇到。」
問到有否留意最近頻頻有模特兒經營副業的新聞，周汶錡亦表示有富豪開價五百萬約飯局，Danielle一聽五百萬即瞪大眼說：「係咪真㗎？咁有趣咁有娛樂性？咁可唔可以帶埋家人朋友去，食餐飯收五百萬咪夠錢可以開兩間餐廳？都係第一次聽。」
記者指Danielle年前亦涉及與富豪如羅兆輝開狂野派對，對此Danielle解釋說：「嗰啲係參加朋友嘅party啫，羅兆輝係我前男友嘅朋友，朋友之間開party唔會收錢收禮物㗎。」採訪：DebbieLum
攝影：RickyChan
