林煥光突然辭職，各大傳媒噚日一早就去特首辦等老董返工。一如以往，老董喺朝早淨喺識講「早晨」，要等到中午接近一點食飯時，佢先落嚟同傳媒講吓煥光，不過一開腔又講錯嘢，佢將林煥光「離開」，兩次講成林煥光「離去」，好似講到林煥光已經唔喺度咁！好彩老董都及時糾正，講返正確嘅「離開」。
除咗老董之外，就淨係得經濟發展及勞工局局長葉澍堃講嘢，話林煥光辭職好可惜，煲呔同李國章就冇評論。
雖然政府話，林煥光辭職係因為私人問題，同特首之間嘅工作關係並無關係，不過睇番老董昨日的說話，同阿松、葉劉、楊永強離開時講嘅語氣，都差咗一截，真喺好難令人唔猜測有冇箇中內情。
傳真︰2623-9278
電郵︰