張栢芝昨日到港台接受訪問，透露打算完成錄音工作後，再抽四至五日到印尼災區探訪，她更要求兩位弟弟及父親同行。
栢芝說：「我覺得上次探訪嘅時間真係唔夠，今次我會帶多啲玩具同零食過去，因為我最想知當地孤兒嘅情況，同埋自己都想領養。我一定要我兩個細佬一齊去，我相信佢哋可以幫人之餘亦可以見到好多嘢。」栢芝自言已經賣了兩部Mini，並將賣車所得的三十萬港元撥到自己的栢芝慈善基金。
此外，栢芝揚言要嫁給一個有錢人以支持她做善事，不過她的愛情觀未有改變，栢芝說：「我一直以嚟對住邊個男朋友都會成日將『我愛你』掛喺口邊，因為唔知第二日講唔講到。」提到早前查小欣指栢芝到災區探訪幫助不大，反而令人擔心，栢芝說：「其他人有任何意見我唔會介懷，佢都係關心我先咁講，所以我都好多謝佢。」
採訪、攝影：李珮洳