陳智思做埋行政會議員之後，更加忙，不過佢為人好有誠意，喺美國聽到南亞賑災在在需財，佢一返港就捐咗五萬畀蘋果基金，真係要多謝佢間公司。
噚日佢就去咗中大演講，重做埋新亞書院接受捐贈儀式嘅主禮嘉賓。為咗支持新亞各項發展，「成功慈善基金會」創辦人兼新亞校董黃偉慶贈送一百萬畀新亞，喺政府大幅削減大學經費之際，呢筆款項簡直係雪中送炭。
陳智思唔只從商從政，重係新城電台同郭艷明一齊開咪，今個星期佢請咗老爹陳有慶做嘉賓，兒子訪問父親都算罕見。
（圖）陳智思（左）主持電台節目，搵咗陳有慶（中）上去接受訪問。
傳真︰2623-9278
電郵︰