黎姿和蒙嘉慧（YoYo）昨日在將軍澳電視廣播城拍攝劇集《胭脂水粉》，YoYo十分羨慕黎姿皮膚又白又嫩，故特意向黎姿討教護膚心得。
黎姿聽畢亦即過兩招給YoYo，她分別教YoYo不要曬太陽、亦要不時塗防曬霜，而最好是日間無時無刻擔遮阻擋紫外線，黎姿說：「好多人都以為我食好多補品，其實食多啲蔬果，已經對皮膚好有幫助。」
YoYo拍劇有空檔時即拿出最新遊戲玩意PSP出來打機解悶，她說：「部機喺日本用炒價都冇得買，呢部係我朋友送嘅聖誕禮物，成三千幾蚊㗎，我以前鍾意睇書解悶，但有時會投入咗，影響心情，打機就可以輕輕鬆鬆。」
黎姿日夜趕拍《胭》劇，預計至四月才完成，她打算在農曆年初一、二的假期度期拍廣告，黎姿笑言：「如果農曆新年開工做嘢，我會向廣告商反映吓有冇雙工。」
