林煥光以《忽然1周》報道其私人感情生活為理由忽然請辭，官場內外無不愕然，就連報道該宗緋聞的《忽周》一名女記者也表示「估唔到發展到咁大件事」。
「我哋有隊人元旦日喺日本六本木採訪，原意係追住梁朝偉同劉嘉玲，點知唔覺意畀我哋睇到一個好熟口面嘅人，原來係林煥光，於是影咗先算，之後我哋亦都冇再跟林煥光。」《忽周》一名負責該則新聞報道的女記者憶述與林煥光在日本的「偶遇」，並指出當時林煥光看來並不察覺被人拍照。
對於這宗緋聞成為林煥光請辭的理由，女記者表示「有啲愕然」，她說：「估唔到發展到咁大件事，我有個奇想，會唔會我哋影到兩張酒店房間嘅相，裏面有床，令到當事人個心有啲怯，以為我哋影到啲乜？」
女記者說，其實採訪隊只不過在事後查明林煥光入住的GrandHyatt酒店房間，然後在林煥光退房後補拍了幾張房間環境照片。事後《忽周》多次向林煥光求證，未獲回應，其後訪問了其妻子袁轉好，並把照片給她看，女記者指林太一直表現冷靜。
本報記者