張栢芝日前接受電視台訪問時，透露探訪印尼災民的經費是從善款中支取，有讀者質疑如此運用善款是否正確，對此杜汶澤昨日接受訪問時說：「我去斯里蘭卡時，因為太匆忙，都冇諗到呢個問題，如果係用大會經費，當然冇問題，但如果係用善款嘅話，我願意畀番錢。」
而張衞健曾透露知道機票錢是籌款得來，所以最終決定自己花錢買機票去印尼探訪災民。
演藝人協會發言人何錦華表示，成龍之前捐出的一百萬元，是作為藝人出埠用的經費，而會長曾志偉昨日在電話中說：「幾位藝人去災區探訪，佢哋嘅經費唔係喺善款度撥出嚟，兩條數完全分開，我哋一早已經有一筆約二百萬款項，做藝人往災區探訪嘅經費，嗰筆錢包括成龍捐嘅一百萬，而院商同行內人都有捐錢，合共有二百萬。𠵱家藝人探訪花費重未計好條數，不過我哋會將剩番嘅錢都一併捐埋做賑災。」
採訪：張止寒、比華利