銀行公會新一屆會期噚日正式開始，代表中銀做主席嘅和廣北（圖），謀殺咗唔少菲林，都幾唔環保，事關影一百張相，都可能只用一張。和總都好關心呢個問題，一坐低就問班攝記：「你們現在用的都是memorystick，所以不怕浪費膠卷。」點知有行家話佢哋窮，冇換到數碼相機，重係用緊菲林，和總就話「film這東西效果非常好，可以拉到很大；不過用膠卷呀，你就省省一下膠卷好吧。」冇辦法啦，新一屆會議，梗係影多幾張，搵張最好嘅，同讀者交代嘛。對於閃光燈狂閃，和總最後都要同班攝記講句：「看不到東西了……看不到東西沒關係嘛？講不出話來了！」一班攝影記者見佢咁友善，就叫佢揮揮手影相，和總話：「不習慣揮揮手了。」啲相影得好唔好？大家睇吓咪知囉！
傳真︰2623-9278
電郵︰