周慧敏噚日以「無煙工作間領先企業大使」身份，出席香港電台喺演藝學院舉行嘅《全港無煙工作間領先大獎》頒獎典禮，而財政司司長唐英年、衞福局局長周一嶽同廣播處處長朱培慶等等都係席上嘉賓。
周慧敏上台致辭時，話佢近日喺一本健康雜誌度寫咗封公開信畀特首董建華，希望佢立法喺工作間全面禁煙，但當周慧敏講到「立法會」三個字時，佢竟然口快快講錯做「垃圾會」，搞到全場人忍唔住勁笑。不過，唐英年原來聽唔到周慧敏講錯說話，佢見大家笑得咁開心，於是好奇問吓隔籬啲嘉賓，聽完答案之後，連佢都忍唔住笑咗出嚟！
（圖）周慧敏發台瘟講錯嘢，連佢自己都忍唔住笑。葉君海攝
傳真︰2623-9278
電郵︰