藝人行善一呼百應，昨日陸續有不少藝人捐出物品響應本報的「愛心大拍賣」，為南亞災民籌款。劉德華捐出去年奪取金像獎與金馬獎影帝的兩套戰衣。Twins的蔡卓妍（阿Sa）捐出初出道首次穿着的比堅尼泳衣，希望籌更多善款幫助災民。
本報昨日開始在「壹蘋果網絡」舉行「愛心大拍賣」（網址：
昨日陸續有不少善心藝人響應，去年奪得香港電影金像獎及台灣金馬獎影帝的劉德華，決定捐出領取兩獎時穿着的白色禮服及黑色禮服，拍賣底價每套六千八百元，華仔昨日在電話中說：「我相信我着呢兩套衫係喺我上年最幸運嘅時候，算係帶畀我好運，希望呢啲好運可以傳畀善心人，甚至延續開去，等全世界人都平平安安，災民快啲脫離困境，新一年大家都行好運。」
而Twins的蔡卓妍則捐出比堅尼泳衣，底價五千元，阿Sa說：「呢件泳衣係我出道第一次着嘅泳衣，好有紀念價值，本來咁貼身嘢唔想攞出嚟，好尷尬，但公司攞過我着過嘅校服拍賣，炒到好高價，我諗過後決定攞埋件泳衣出嚟幫人。」鍾欣桐（阿嬌）則捐出米奇老鼠公仔，底價三千元，阿嬌說：「隻米奇老鼠我好鍾意㗎，陪住我瞓咗幾年，每次出埠都帶埋佢，希望買到呢隻公仔嘅人要好好對佢。」
黃家強也捐出一支已故兄長黃家駒生前的專用紫色結他，底價八千元，家強說：「家駒唔喺度之後，呢支結他成日陪住我，我間中都攞嚟彈吓嘅，嚟緊Beyond演唱會當然唔少得家駒份，所以我會攞呢支結他彈番首歌，之後先交畀投到嘅朋友，相信家駒都會保佑好心嘅善長。」
古天樂亦捐出一條LV頸巾，底價三千元，古仔說：「之前我已經捐錢，今次條」
梅艷芳生前經理人王敏慧捐出一張梅艷芳《WITH》親筆簽名唱片，底價五百元，王敏慧說：「隻碟係阿梅生前簽落，寫埋年份，佢生前有乜幫人賑災都帶頭做，今次如果佢喺度都一定會出力。」而MusicNation唱片公司近日推出的「梅艷芳經典金曲演唱會」DVD，限量二千張，現捐出一百張拍賣，底價每張二百元。李彩華則捐出價值逾萬元的兔毛外套，底價一千元，她說：「為做善事，我願意割愛。」
