陳奕迅（Eason）和容祖兒在新片中扮演軍裝警察，劇情講述Eason立下大功，祖兒和其他同袍上前擁抱恭賀他。Eason拍攝這場戲時十分享受，他不怕因此與祖兒傳緋聞，成身汗的他只怕嚇親祖兒。
陳奕迅和容祖兒（Joey）早前合作拍攝新片《神經俠侶》，兩人在戲中飾演軍裝警察，其中一幕講述Eason機緣巧合下捉拿頭號通緝犯，立了大功，同袍士氣大增，Joey主動要求做代表上前擁抱Eason恭賀，而其他軍裝警員即時起哄，Eason和Joey便變成「人肉三文治」。
拍攝時鏡頭前後大家顯得十分熱鬧，就算導演叫cut機，他們仍然玩得十分開心，攬到實一實不肯放手。Eason笑說：「我拍呢場戲，當正自己喺紅館開騷，俾熱情嘅歌迷歡呼同揮手，不知幾咁享受。我唔擔心同Joey咁貼身嘅擁抱會有緋聞，反而驚佢怕我啲汗。」
Joey聽到Eason的話，不忘扮鬼扮馬，然後說：「我一啲都唔驚佢啲汗噃，我反而擔心Eason同我攬住，佢返去俾阿嫂（徐濠縈）罰佢扭耳仔啫。」
採訪：比華利
