香港首張曼聯信用卡，噚日正式推出。為咗同班球迷分享呢件盛事，大新銀行將會喺一月六號到十一號，喺銅鑼灣興利中心展出多款極具紀念價值嘅曼聯精品，其中重包括咗由英國專誠空運到港嘅「英格蘭足總盃」，等班紅魔鬼fans有機會一睹呢座首次喺香港展出嘅獎盃。
其實香港嘅紅魔fans的確唔少，聽講有成七十萬咁多，真係唔可以睇小。好似噚日大新銀行公布出卡記者會上，萬事達卡國際組織亞太區副總裁暨大中華區副總經理張懷堅同大新銀行主席王守業，相信就係七十萬人嘅其中兩個，因為佢哋連曼聯會歌都唱得掂，唔係fans點做得到呢？
（圖）呢張信用卡大大個紅魔鬼Logo，有佢傍身，夠晒忠心啦。
傳真︰2623-9278
電郵︰