雖然近年MP3機嘅銷售量持續高企，不過產品發展空間有限，玩款玩功能已了無新意。韓產Hyudai就背城借一，不以靚仔賣相冧客，反以超騎呢嘅鐵甲威龍Look殺出重圍。呢部HY-21MP3機，外形十足十一部剝咗外殼嘅機械組件，科幻感爆燈，掛頸帶出街肯定型足全場！HY-21嘅機能亦非省油的燈，內置512MB記憶體、FM電台接收、現場錄音、125色背景燈、支援多國語言等高檔機功能不特止，最正係咁細部機居然內置兩個喇叭，可播放立體聲音樂，唔插耳筒時當埋小型Hi-Fi周街「炸機」都重得，MK味相當之濃厚！機上設有一個小型四方向嘅操控桿，揀歌、轉台、錄音等都可快速操作，毋須㩒幾個掣先換到心水模式。總括嚟講，呢部HY-21的確畀到人一種強勁嘅高科技感，真係比市面猛Sell的骰嘅悶蛋機種，精采得多！
記者：徐影龍
冠恒集團
查詢：31021698