葉璇和好友李詩韻日前拍完無綫劇《本草藥王》後，即往上海旅行，當地一位相士叮囑葉璇常穿紅衫，便會十分旺財，故葉璇添置了不少紅色衣服。
葉璇和李詩韻去年底拍完無綫劇集《本草藥王》後，即齊往上海歡度聖誕和新年，日前才盡興返港。
祖籍杭州的葉璇，早前經常到上海工作，所以十分熟悉當地環境，這次正好擔任李詩韻的嚮導，帶她到處吃喝玩樂。葉璇說：「我哋去咗睇歌劇，又去食小籠包，重有蟹宴。我哋又去見一個相士，佢話我○五年可以搵到好多錢，不過要身體健康啲，最好着多啲紅衫，咁會旺啲。」葉璇即謹記相士的勸喻，在上海旅遊時添置了不少紅噹噹的新裝。
葉璇和李詩韻早前在中山拍攝《本》劇時，因劇情需要被安排浸溫泉，葉璇說：「呢個安排好好，咁啱天氣好凍，浸完溫泉之後，成身特別暖，皮膚又會滑啲同靚啲。」
而葉璇拍完《本》劇後尚未有新工作，所以打算趁空檔到美國探親，她說：「我呢幾年都忙，掛住做嘢，所以如果時間許可，我好想返去探吓啲親人同朋友。下月無綫都會播我有份演嘅新劇《西廂奇緣》，重要喺情人節、即係我生日嗰日首播，都好開心，我好希望嗰日同朋友一齊睇劇。」
採訪：比華利
