薛凱琪、周麗淇和梅小惠等昨日義賣曲奇為受海嘯影響災民籌款，再加上酒店撥出餐廳的部份收益，一共籌得六十一萬善款賑災。近日增肥成功的周麗淇更表示以巨額金錢隆胸十分浪費，寧願將這些金錢捐出賑災。
周麗淇、薛凱琪（Fiona）、關心妍、梅小惠和陳自瑤等，昨日在銅鑼灣富豪酒店出席「富豪愛心慈膳日」，該酒店集團旗下的五間咖啡店昨日進行賑災，並會把部份收益捐作香港紅十字會為海嘯災民籌款，截稿前已籌得善款六十一萬。
眾藝人手持捐款箱穿插餐廳募捐，周麗淇昨日抱恙到場，她說：「呢幾日出席好多賑災活動，感受好深，我屋企有一位五歲嘅小妹妹，佢都話要將五蚊零用錢都捐晒出嚟，我都引以為榮。」周麗淇近日增肥成功，有指名模樂基兒當日隆胸前都有增肥，問周麗淇稍後可有意隆胸，她說：「唔會，我冇咁大膽，隆胸好奢侈，係都拎啲錢賑災。」
而小惠走向一名男士身旁時，他正忙於講手提電話，小惠一聲多謝便行開，怎料那名男士事後走過來遞上一張一千元的支票，小惠即顯得非常感動。
關心妍的新碟今日出街，她說：「我會捐啲碟出嚟拍賣，餘數會自己再貼啲上去，我重打算遲啲做一場騷籌錢賑災。」關心妍的男友是印尼餐廳老闆，她說：「好彩佢屋企人冇事，不過我屋企個印傭嘅屋企人有事，遲啲佢要返家鄉，我或者要再請個工人。」
此外，有報道指Fiona在叱咤頒獎禮中扮喊和露底搶鏡，她否認：「我扮喊？啲戲邊有咁勁！以前同男友分手都忍唔住喊，我露咗豹紋底褲，真係唔小心，我以後都唔會再着呢條底褲。」
採訪：楊潔雯 攝影：林德雄
