四十五條關注組聯同各政黨同組織，由舊年除夕起至噚日喺全港舉行籌款，希望幫助南亞數以十萬計嘅災民。
關注組噚日最後衝刺，湯家驊連立法會都唔開，喺銅鑼灣渣甸坊攞住個吉他大唱《Wearetheworld》。最後點數，七日一共籌得九十四萬五千多元，比原定一百萬嘅目標差咗少少，班大狀正諗緊係咪自己填埋餘額，咁好成績，大狀梗要多謝市民支持。
香港人的確好有愛心，美國《世界緊急援助》行政總裁麥俊安都話值得大讚，佢話目前為止，佢哋喺全球已籌得二千幾萬物資，一百六十萬現金，目前最緊要將啲捐款送到災民手上。
（圖）湯大狀噚晚攞住吉他自彈自唱，得到唔少市民慷慨解囊。
傳真︰2623-9278
電郵︰