年近歲晚，好多人都話今年好時年，趕住拉埋天窗。繼自由黨主席田北俊日前娶新抱，立法會秘書長馮載祥月中亦嫁女，八方問即將榮升外母嘅電盈發言人馮馬潔嫻心情如何，佢話梗係好happy，馮載祥就更唔使講，所謂外父見女婿，口水都流埋。
Ricky馮載祥同Jenny馬潔嫻好鍾意個女婿，喺八方面前大讚個女有眼光。馮小姐留學英美，同未來老公都屬財經界，八方都要恭喜馮生馮太。Jenny重話跑電訊新聞嘅記者都一律有餅卡，真係要先多謝一聲。
Jenny早前同周一嶽帶隊去雅典參加傷殘人士奧運會發生意外，𠵱家經調理後身體已冇恙，佢話，喺英國讀書嘅細仔下周都會趕回香港，參加姐姐嘅婚禮。
晚上喺君悅擺酒，朋友眾多，要分兩日請飲，真有意思。
傳真︰2623-9278
電郵︰