「動物係生命，點可以掟出街」
黎姿為流浪貓狗找個家

黎姿最近獲委任為愛護動物協會大使，她建議香港人若能力許可而又想養小動物，不妨收養流浪貓狗，她並呼籲香港人要愛惜小動物，不能將牠們當成廢物般遺棄。

黎姿獲「香港愛護動物協會」委任為2005年度愛護動物協會大使，她本身亦是愛狗之人，但眼見有很多香港人將小動物遺棄而感到十分心痛，她希望透過呼籲來提醒市民，養小動物必定要有責任感。
該協會過往曾經邀請過周慧敏、李克勤等藝人擔任愛護動物協會大使，今年就請來了人氣勁升的黎姿擔任大使，日前黎姿專誠在柴灣一間影樓拍攝該協會的宣傳海報，並找來幾隻小狗作伴影相。原來黎姿亦經常抽空到愛護動物協會做義工，還親手替小動物洗澡及打掃地方，更學會了一些簡單的狗隻訓練。

家有松鼠狗
黎姿說：「因為愛護動物協會知我鍾意小動物，而我又經常會上去同啲貓、狗玩，所以佢哋就搵我做大使。其實我好想呼籲大家，如果屋企係有條件而又想養小動物，不如收養流浪貓狗，好多香港人一時貪玩，買隻小動物返屋企養，但之後又覺得麻煩就遺棄佢哋，所以養動物之前真係要諗清楚，動物都係生命，點可以好似垃圾咁掟出街呢？」
黎姿家中亦養有一隻年屆八歲的松鼠狗，她說：「我都好想收養多幾隻狗，不過又要考慮到責任感問題，我驚隻狗唔接受，會打交，而且屋企範圍都唔足夠。」