蔡少芬、唐文龍、朱潔儀和羅莽等前晚錄影《繼續無敵獎門人》，蔡少芬不停被錢嘉樂取笑她跟內地藝人張晉的緋聞，頻被指春風滿面。而羅莽跟朱潔儀爭啜紫菜時，則被笑加入無綫十年，今次終能錫女藝人。
一眾藝人包括蔡少芬、唐文龍、羅莽、許紹雄和朱潔儀前晚到將軍澳錄影《繼續無敵獎門人》。
主持錢嘉樂整晚不停取笑蔡少芬春風滿面，當少芬吹蠟燭剩下一支時，錢嘉樂說：「你唔記得你另一半識功夫咩？」玩啜紫菜時，錢嘉樂又嘲笑少芬說：「唐文龍個胸大過蔡少芬，唐文龍錫盡無綫女藝人。」
而羅莽跟朱潔儀玩啜紫菜時，錢嘉樂笑說：「羅莽拍劇咁耐都未錫過女仔，喺無綫十年都算冇白過，終於錫到個女仔。」惹得全場大笑。當朱潔儀玩吹蠟燭時，她犯規以手按着地下，又吹到呼呼聲，曾志偉竟笑她說：「你真係《東邪西毒》裏面嘅茅西呀，重吹到響㖭，你真係當吹簫咁吹呀？」內容十分三級。
事後蔡少芬接受訪問時迴避緋聞說：「我不嬲都咁春風滿面，嘉樂仔咁講係想話畀人知佢係我男友，今日玩得好開心，可惜其他老友都開工，好似張家輝同陳慧珊都嚟唔到。」
問少芬與功夫男友張晉發展得如何？她否認說：「我不嬲都話自己冇男友，男性朋友就有好多，我男仔頭，鍾意同男仔拖手同搭膊頭，性格又爽朗，朋友多，但唔一定係男友。」
採訪：卓美娟
攝影：陳偉權
