發財立品，最好係捐錢賑災，再唔係，又可以畀啲錢培育吓後生仔。好似美林證券咁，佢哋個美林基金會（MerrillLynchFoundation），噚日就捐咗130萬港紙畀中文大學、北京大學同埋台灣國立政治大學，畀佢哋參與美林應用財務交流計劃。
呢三間大學合共約120個商學院研究生，將分成40個小組，各自為大中華區特定公司擬定策略計劃，目的係要提供股東價值。學生會四月喺香港開始做嘢，而一個由財金、企管教授同美林高層合組嘅評審團，就會選出十個優勝小組，同埋一個大獎得主，得獎名單會喺五月揭曉。
美林常務董事黃桂林話，佢哋捐咗唔少錢，搞呢啲公益事業，至於今次南亞海嘯，佢話美林全球暫時合共捐咗100萬美金，真係值得表揚！
（圖）美林環球慈善事業總裁EddyBayardelle（右）捐款畀中文大學，由楊瑞輝教授（左）接受支票。
傳真︰2623-9278
電郵︰