年近七十歲的徐伯，多年前動過脊骨手術後，行動不便，再加上前年不慎摔倒，跌斷大腿骨，下半生從此要在輪椅上度過。職業治療師早前替徐伯進行家居評估，建議他添置一部電動輪椅，既可擴闊其活動範圍，亦可減輕老伴照顧的壓力。徐伯無力負擔三萬餘元購買電動輪椅，惟靠善心人捐助。
徐伯終生殘障，要以輪椅代步，痛苦的不止他一人，還有其身邊的老伴。「自從佢唔行得之後，照顧佢嘅壓力真係好大，好辛苦，可以用勞心勞力去形容。」五十三歲的徐太歎道。
頭髮斑白的徐伯，經歷過多次意外。徐伯退休前從事機械維修工作，一次意外導致他脊骨受重創，其後雖接受過手術治療，但康復情況未如理想，後遺症包括四肢經常麻痹乏力、行動遲緩，出入要靠柺杖。
早幾年，徐伯在工作期間，不慎被機器截斷左手幾根指頭，被迫提早退休。前年年中，他不小心在家中跣倒，弄斷左腳大腿骨，斷骨位置需要植入鋼片，一度卧床休養近九個月，直至近大半年他的精神才稍為恢復。
脊骨舊患加上新近跌傷，令徐伯從此不能走動。「𠵱家我雙腳就好似棉花咁，輕飄飄，完全冇力，唔知痛、唔知痕，冇感覺。」徐伯無奈地對記者說。
原本活躍的徐伯，現要以手動輪椅代步，由於他雙臂乏力，平日要靠妻子協助出入，倍感難受。「以前我好好動，打籃球、游水、踢波樣樣啱，𠵱家就成日困喺屋企，望住四面牆，再咁落去都唔知點算。」
徐太亦因為不時要推動輪椅，導致肩膊受損。「我哋屋企附近好多斜路，我老公加埋部輪椅成二百幾磅，我都唔係好夠力成日推佢上上落落，自己嘅肩膊位已經拉傷晒。」
職業治療師經評估後建議徐伯購買一部電動輪椅，以解決起居生活的困難，惟有關費用約需三萬三千元，這對於經濟拮据的徐伯來說，簡直是天文數字。
自徐伯受傷退休後，其妻為照顧他，亦被迫辭去工作，一家生活開支便由一對子女分擔，徐伯的長子長期當散工，經常開工不足，次女則為文員，收入低微，家中扣除基本開資後，已沒有多餘積蓄。
徐伯表示︰「呢幾年為咗醫病，中、西醫都使我唔少錢，所有積蓄都用晒，再加上𠵱家我兩公婆都冇做嘢，根本冇可能儲到幾萬蚊買部電動輪椅。」徐伯盼善長施以援手，助他達成心願。
捐款編號︰C1602
暖流熱線
電話：29908688
傳真：23702192
電郵：
網址：
