民建聯下個月改選，而港進聯又遲遲選唔到新主席，於是兩黨短期內合併嘅消息又炒得熱烘烘。
講句老實話，係人都知兩個黨都係有北京大水喉射住，以前有戰略上需要分成兩個團體，回歸後其實都冇乜大意義，加上喺劉漢銓前主席嘅不太英明嘅領導之下，舊年立法會選舉全軍覆沒，更促使北京諗，冇咗選委會小圈子選舉入立法會之後，係咪冇需要再有港進聯呢類冇乜民意基礎嘅組織存在。
答案顯而易見，八方噚日喺立法會撞到黃定光同蔡素玉，佢兩人都封晒口唔肯講嘢。
兩黨合併其實有好多嘢都要坐低慢慢傾，好似個名就要諗清楚，有人就話兩黨各取一字比較合理，咦？咁咪有機會叫做「香港民進黨」囉！
傳真︰2623-9278
電郵︰