體育用品商賑災義捐網球拍 - 李八方

  體育用品商賑災義捐網球拍 - 李八方

響應南亞海嘯賑災籌款可謂花盡心思,唔少體育用品贊助機構噚日趁住喺維園舉行嘅「世界網球冠軍挑戰賽」揭幕戰,有多個世界級靚女網球手出席,實行喺場內推出「愛心體育用品」籌款,其中威信體育用品公司董事吳世平(圖)話,受香港人今次盡顯愛心感動,所以佢哋公司捐出大批「愛心網球拍」嚟籌款,市民只要捐款三百蚊,就可以獲得一支價值逾千嘅網球拍。
既可做善事、又可獲球拍用品,真係一舉兩得,至於威信籌集得嘅善款,將會全數交由紅十字會作賑災之用。


傳真︰2623-9278
電郵︰[email protected]