自由黨主席田北俊近日心情好靚，皆因佢今日榮升老爺，佢個大仔啟文娶老婆，即係田少娶新抱，你話係咪要恭喜田生田太呢。
田少有一仔一女，細女田啟安出嫁都差唔多三年喇；個仔今年行年三十，正係風華正茂，平日喺公司幫田少打理地產項目。
做新老爺，田少梗係好忙，因為收到好多人祝賀。佢個新抱叫做CherylWilson，係澳洲同新加坡混血兒，婚禮今朝早喺堅道明愛天主教座堂舉行，晚上喺君悅擺酒，由於相識遍天下，田少話冇辦法請得晒咁多人，所以立法會班同事，主要請晒自由黨，而特首、煲呔、唐唐以及主要官員就差唔多請齊，個個都過話會嚟，詩姐姐就有事，坐一陣就走。
（圖）田公子為人好低調，只係舊年田少參加直選嘅時候出過嚟幫老竇手拉票。
傳真︰2623-9278
電郵︰