日本女星米倉涼子前日不避嫌到銀座新橋演舞場欣賞男友市川海老藏嘅歌舞伎表演，涼子左手無名指上重戴上閃閃令嘅戒指。表演結束後，涼子又同海老藏阿媽希實子有講有笑，非常融洽。早前就有人見到涼子同海老藏到海外旅行，睇嚟近期憑《黑革之手帖》而鹹魚翻生嘅涼子，相信要嫁入日本「梨園」指日可待。