2005年過咗幾日旋即收到唔少本地車壇新消息，相信最令人振奮的事情可會是多款歐、日、韓新車會接踵而至。當中除了有今個周末預展的日產Tiida四門家庭房車之外，早於去年9月英之傑大中華車展上率先登場的大發新版Sirion（查實即日本豐田旗下Passo車系）亦有望今個月下旬正式登陸香港，其主打型號幾乎可以肯定是1.3公升（馬力90匹）版本，用以搶攻同級對手如本田Jazz、日產March以及三菱Colt市場。
新版Lancer下周露面
至於筆者去年下旬曾披露過，三菱代理會引入換裝有1.8公升Turbo引擎的Lancer四門跑房車新版，原來有關方面早已整裝待發，大概會於下周末正式跟車迷見面。據筆者手頭資料所知，今個月重有多輛歐、日新車，有計劃在下月農曆年前搶閘登場，車迷想知道第一手新車資訊的話，就記緊留意本版的報道喇！
記者：陳偉林