因為做《天國的階梯》而大紅嘅「誠俊哥」權相佑，下個月會喺漢城舉行一個容納二千人嘅大型fans聚會，佢除咗邀請當地fans之外，權相佑亦好想日本fans參加，所以佢嘅經理人公司已經同旅行社計劃搞旅行團為日本fans服務。而權相佑亦會喺當日撥三個鐘頭，出嚟同日本fans聚會，當中一個環節重會為日本fans表演唱歌。