○三年港姐李詩韻的父親早前被生意夥伴追債千萬，昨日李詩韻現身為新劇試造型，她表示有向父親了解情況，自己則希望專心拍劇賺錢，有需要時會擔起頭家，供養兩名年幼弟妹。
前年港姐「最上鏡小姐」及「才藝小姐」李詩韻、邵美琪、洪天明及李思欣等，昨日在將軍澳電視廣播城為無綫新劇《佛山贊先生》試造型，男主角元彪因事未能出席。
李詩韻父親位於沙田火炭的公司及內地三間工廠早前突然結業，即時有二十八名有生意往來的人上門追債，涉及金額高達千萬元。李詩韻表示早前到廣西及中山拍攝無綫新劇《本草藥王》，返港後亦有與父親見過面了解情況。
李詩韻說：「拍完外景後同葉璇去上海過聖誕，我都係前日先返香港，有同爸爸聯絡，佢比我想像中淡定，亦冇特別同我講番件事。𠵱家公司畀咁多機會我，我都想專心拍劇，爸爸做咗成三十年生意，喺處事方面有經驗，我唔係咁擔心佢。」
李詩韻又表示其父至今都未有要求她擔起頭家，她說：「我不嬲都係自己住，爸爸亦冇叫我幫手，我有個十五歲嘅細佬同十歲嘅妹，如果叫我照顧佢哋我都好樂意。」
邵美琪與元彪在新劇中飾演一對，她表示今次是第二度與元彪合作，不過仍然充滿期待，她說：「我十幾年前已經同佢喺電影《伙頭福星》中合作，呢次我哋做情侶，聽人講佢個樣都係冇乜變。」
此外，昨日見洪天明臉上有一道長達三吋的傷痕，他表示是前晚拍攝電影《反斗狂奔》時被反應彈誤傷。今次有機會與元彪及梁家仁等師叔輩合作，他對着前輩笑說：「如果我阿爸（洪金寶）以前有乜嘢對你哋唔好，都唔好報喺我身上。」
採訪：卓美娟 攝影：仇志德
