零五年首日，恒指微升7點，但實際個勢唔錯。恒指升幅小只係因為滙控（005）唔見0.50元拖低17.9點。大市短期仍然向上，個別發展，個別發展得嚟，地產股睇好。
新地C輪2252：長實（001）雖然冇升，但所有長實C輪都有得升，最多嘅有5.1%進帳，即係溢價拉番闊啲。情況可能代表長實稍後會追上，然後其他地產股亦受帶動，其中最有可能拍住長實上嘅係新地（016）。新地昨日亦係原地踏步，收77.75元。
新地C輪最大成交金額嘅係3520，溢價高啲。想溢價方面着數，最佳對象係成交金額企第2位嘅2252，隻輪下月中到期，輪價47.5仙，溢價得1.3%，槓桿率16.4倍（有效12.3倍），引伸波幅15.5%。2276成交金額第3大，壽命較2252長3個禮拜，輪價亦係47.5仙，溢價2.6%，槓桿率16.4倍（有效10.8倍），引伸波幅24.2%。2252拍埋去，除咗壽命稍輸蝕外，數據靚好多，有機會喺到期之前，重見上月初高位78仙，即係有水位64%。正股上到81.80元（昨日77.50元），2252即使平水亦可見78仙。
和黃C輪2291：和黃（013）強勢持續，收73元，升1格。揀低溢價嘅C輪炒，正路之選係2291，3月初夠鐘，溢價0.1%，槓桿率6.6倍（有效6.6倍），引伸波幅2%。正股郁，隻輪唔會冇份。
中銀C輪9169：年尾推介嘅中銀C輪9169收26仙，升1.2仙。正股（2388）收14.95元，升10仙。9169係平水輪，由正股帶住上，要把握機會上車。
章盛