無綫青春劇《赤沙印記@四葉草．2》兩位女角陳自瑤和李思欣，日前到日本關西拍攝旅遊特輯，二人最難忘是在和歌山上浸溫泉，陳自瑤還喝下溫泉水，聲稱可令皮膚更好，似乎不甚衞生。
無綫劇集《赤沙印記@四葉草．2》兩位女主角陳自瑤和李思欣，日前與李逸朗到日本關西拍攝旅遊節目《加倍開心日本3S之旅》。三人一起滑雪、浸溫泉和享受spa，陳自瑤和李思欣表示最喜歡浸露天風呂。
首次到關西的陳自瑤和李思欣到了大阪、神戶及和歌山遊覽，二人在和歌山上的酒店圍上大毛巾浸溫泉，泡在露天風呂中，十分舒服。
陳自瑤說：「我覺得呢次好好玩，除咗好多美食之外，我哋重可以成日浸溫泉，我覺得浸喺和歌山上嘅露天風呂，可以一邊睇住太平洋嘅風景，好似好近咁。而我哋浸咗美人湯之後，啲皮膚滑咗同白咗。」為了皮膚可以更靚，陳自瑤竟喝下溫泉水，她說：「溫泉水含有好多礦物質，飲咗會對身體好啲，我覺得啲味道都幾特別。」
李思欣則十分有口福，她表示此行最難忘是吃兵庫縣但馬牛肉，她說：「我哋用shabushabu（火鍋）嘅食法，啲牛肉入口即融，肉質嫩，啲味好濃，我聽講佢哋養牛時幫啲牛按摩，所以肉質好好味。」
