電影《導盲犬小Q》一上畫，賺得港人熱淚，更令一眾狗舖嘅拉布拉多尋回犬行情高漲。睇完電影版意猶未盡，大可留意嚟緊嘅電視版《導盲犬小Q》，一套7集共七小時，劇情及人性刻劃更為細緻動人，而且日本NHK更搵嚟多位著名演員擔綱演出，包括《海誓山盟》女主角澤口靖子演小Q養母、玉置浩二演小Q主人渡邊先生等，號召力不俗。無綫已於12月5日開始，分14集播放，覺得追電視頂癮嘅Fans，近日推出嘅電視版《導盲犬小Q》DVD豪華版Boxset就啱晒，事關可一氣呵成睇到夠之外，重有dts廣東話靚聲配音、幕後拍攝花絮等，全港限量只賣200套！最叫Fans心動嘅，係附送「Kawaii」小Q毛公仔一隻，以及小Q2005年座枱月曆一個，等大家一年365日都可對住小Q。
記者：徐影龍