現年二十一歲嘅日本性感女星磯山沙也加，人氣愈嚟愈盛，佢為咗應付接踵而嚟嘅工作，最近終於離鄉別井，一個人搬咗去東京生活。不過，細膽又大頭蝦嘅磯山，成日唔記得交水電煤氣費，重試過出街唔記得鎖門㖭！好彩日本治安好，佢暫時都未試過俾人爆格，不過磯山如果以後重係咁失魂，睇怕遲早都會出事。