韓國品牌SAFA最近推出全新Visual系列MP3機，淨係睇個名就知唔係一部MP3咁簡單，既可聽歌，又可睇相，可以話係一部全能MP3機。機身上最搶眼當然係一個1.5"、6萬5千色LCD，可顯示JPEG或BMP圖片，亦可放入TXT文字檔顯示，當睇電子書都得。當播放相片時，還提供有幻燈片模式，可以夾住歌一齊欣賞，特別有Feel！MP3機身已內置一對揚聲器可隨時播放。音效方面擁有3D環繞音效，可播放MP3/WMA/OGG音樂，可選6種EQ模式：正常、古典、爵士、流行、搖滾及超重低音；其他功能包括個人記事簿，可記錄電話號碼及電郵，多國文字顯示及M廣播錄音等。一共有4種機身顏色可供選擇，包括藍色鏡面、紅色鏡面、銀色鏡面、黑色機身，而容量就有256MB、512MB及1GB。
記者：許福合
查詢電話：27639325（LeapInvestmentLtd）