徐子淇與Rosemary昨日在恒基旗下商場義賣HelloKitty公仔，做義工為海嘯災民籌款。身為恒基太子爺李家誠女友的子淇非常落力，更脫下外套呼籲，又與市民玩遊戲和合照。
徐子淇與Rosemary昨日在將軍澳出席商場活動「HelloKitty30周年聖誕繽紛樂園閉幕禮」，兩人不收酬勞，在場義賣HelloKitty公仔及用品為海嘯災民籌款。徐子淇在男友、恒基太子爺李家誠旗下商場做善事格外落力，更脫下外套努力叫賣，又與巿民合照、簽名招徠。
徐子淇表示除夕分別與家人、男友度過，她說：「我同婆婆、父母一齊倒數，呢個係我由細至大嘅傳統，之後去中環同成班朋友一齊過。我發覺今年新年條街真係冷清咗，可能真係受海嘯影響心情啦。」
問徐子淇其男友李家誠可有在除夕向她說浪漫情話，她發嬌嗔說：「邊有咁肉麻呀？」問她可會效法章子怡、霍啟山在酒店過二人世界？她即說：「咁激！人哋點過我唔知，每對couple做嘅嘢都唔同，去旅行時間又好難夾，因為我喺英國，飛來飛去好辛苦。」
徐子淇又表示已捐錢予宣明會及聯合國兒童基金會，她說：「除咗賑災，平時大家都要做善事，我同屋企人總共助養咗十幾個兒童，唔使好多錢，每人每日食少餐麥當勞就得。」
而Rosemary亦只收車馬費，她透露已捐出數千元做善事，她說：「我都有朋友喺泰國，好彩都喺曼谷，冇乜事，好好彩！」
採訪、攝影：RitaLeung
