「可能一場沙士令我有咁嘅勇氣，快啲行呢步，對自己嘅生命重新定位……一個人食幾多、着幾多係拎唔走嘅。」前任中大醫學院院長鍾尚志四個月前決意放棄月入二十萬元的高薪厚職，選擇到巴布亞新畿內亞行醫。他認為應珍惜現在，做一些有意義工作。
鍾尚志目前在摩爾斯貝港醫院擔任外科教授，並主管該院外科部門，合約為期三年。雖然他的薪酬連在港時的十分之一也沒有，月入不足二萬港元，卻達成一直希望前往第三世界國家做醫生的夢想。
他接受香港電台《鏗鏘集》電視節目訪問時稱，「嚟到呢度（巴布亞新畿內亞），覺得呢度好得意，一方面好多暴力事件，打交、槍傷咁。但另一個角度睇，人與人相處都幾融洽，啲人覺得講嘢大聲啲或者發脾氣都係唔好，所以醫生同病人講嘢都要陰聲細氣，醫生更加肯嘥時間同病人家屬講病情。」
他又說：「香港可能科技進步，醫生睇病人都係望住電腦、打電腦，唔望住病人。好似我喺香港時做做吓手術，成日都收到call，要趕開會，但新畿內亞呢度唔會。」
摩爾斯貝港醫院是首都摩爾斯貝港內唯一的急症醫院，也是教學醫院，院內資源缺乏，有八百張病床，入住率高逾八成，最常見疾病的是瘧疾、感染和創傷。鍾尚志形容「喺呢度因為資源缺乏，病人都接受現實，好少投訴……醫生醫病人最緊要識變通，冇一樣儀器就要用其他儀器，做精細手術係困難啲，有時睇餸食飯，有時技術搭夠。」
回想前年本港出現沙士，鍾尚志認為已到社區爆發地步，迫使政府抗炎。他說：「我從來冇後悔過，有危難時敲響警鐘係作為醫生、學者一定要做，呢樣嘢係義無反顧。」離開香港，他坦言最捨不得是中大醫學院的學生。他提醒學生：「要忠於自己理想，對自己同病人誠實。」
有關節目將於今晚七時在無綫翡翠台播出。
本報記者
逢周一刊出