陳慧琳（Kelly）前晚繼續在紅館舉行演唱會，其男友Alex都有到場支持，據悉，Alex每場都買很多門票支持女友，但Kelly不知男友哪一場會出現，因他只會秘密到場。
Kelly前晚演出完畢接受訪問說：「我都唔知佢今晚嚟咗，我睇唔到佢呀，其實我唔會知佢邊日嚟，否則我會好緊張，好驚，又會喊㗎。」
前晚有來自台灣及內地的歌迷拿着「大聲公」向Kelly大叫我愛你，Kelly笑說：「得啦，使唔使攞埋大聲公好似示威遊行咁呀，我愛你呀，我愛你呀。」
提到缺席商台頒獎禮仍得叱咤女歌手銅獎，Kelly說：「舊年播好多歌，今次做演唱會去唔到，希望我今年可以遇到好多好歌，唱畀大家聽。」
採訪、攝影：陳偉權