重有個幾月就到農曆新年，送舊迎新，係時候將屋企來個改頭換面。喺眾多家具中，最多人換的首選是梳化，等親朋戚友嚟拜年都可以坐得舒舒服服。正有此意又未有心水的話，不如先參考下面的介紹，一次過畀你睇晒布藝、真皮、梳化床三種款式。部分梳化需要三至四星期的訂貨時間，有現貨的又要排期等送貨，𠵱家開始睇款購買就差唔多喇！
記者：黃婉冰 攝影：陳陶鈞、陳智良 ImageGirl：Irene
布藝梳化椅套清洗方便
布藝梳化近年之所以得以大熱，除樣靚款正外，另一最大原因是容易打理。毋須任何保養，一污糟即拆出梳化套放落洗衣機清洗即可，啱晒懶人同年輕一族。要前衞又要方便，此乃最佳之選！
巨型紅電話
尺寸：闊132×深75×高75cm
外形有如一個巨型電話的JAVASofa，流線外形充滿100%摩登Feel。弧形椅背設計，坐起來有一種環抱感覺，除布料外，另有韓國麖皮、人造皮及真皮供選擇，價錢因不同布料而異，椅套可拆洗。
售價：$6,880(d)
座位闊大特深
尺寸：闊223×深112×高83cm
想坐得舒服，這張GOTEBORG三座位梳化會是不錯的選擇。其闊大特深座位，無論挨坐、側卧或盤膝而坐都絕無問題，靠墊內填滿羽毛及聚酯泡膠，挨得舒服，椅套可拆洗。
售價：$5,290(c)
防皺布料款式高貴
尺寸：闊135×深81×高77.6cm
DiamondWell進口三座位布梳化，選用進口防皺布料製造，近似絲絨的效果比一般布藝梳化高貴得體。傳統設計、用色容易與屋企布置來個PerfectMatch，椅套可拆洗！
原價：$3,928
特價：$1,980(a)
附設雜誌架
尺寸：闊128.2×深67.5×高72cm
美國榿木雙座位梳化，淺色榿木椅框襯上七彩條子布藝咕𠱸及座墊，顏色勁搶。梳化旁更附設雜誌架，可將報紙、雜誌整齊收納，美觀實用，椅套可拆洗！
原價：$2,563
特價：$1,336(a)
隨意組合曲尺梳化
尺寸：闊202.5×深135×高84.8cm
由一張腳墊、三座位梳化組合而成的曲尺梳化，腳墊可任意擺放做出不同的組合。特高頭枕可將頸部及頭部承托得舒舒服服，另有多種顏色供選擇，椅套可拆洗。
原價：$5,420
特價：$3,188(a)
真皮梳化設計摩登唔老土
以前真皮梳化總給人老土又過時的感覺，但隨着懷舊風復興，加上款式經過大改革，新一代真皮梳化由Out之行列回歸至In的排行榜。只要識得揀，一張真皮梳化同樣可以是美化家居重要元素之一。
懷舊經典格仔皮
尺寸：闊137×深76×高71cm
想襯得起一屋懷舊裝修，這張FRANZ兩座位真皮格仔梳化就最啱Feel。全張以真皮製造，外形四四方方，充滿七十年代風格。
售價：$5,200(d)
＊須訂貨，需時三至四星期
反傳統流線外形
尺寸：闊177.8×深83.8×高81.3cm
Bobbio三座位意大利仿真皮梳化，糅合現代設計及傳統質料。一身流線設計，外形比傳統款式簡約，同時可在視覺上令空間感提升，破格款較適合年輕屋主口味。
售價：$2,699(b)
梳化舒適椅二合一
尺寸：闊130.5×深81×高90cm
安利寶意大利真皮梳化，設計集梳化與舒適椅於一身。梳化設有手彈鉸，一拉旁邊的拉掣，椅背就會向後仰，變成一張有腳踏的舒適椅，左右兩邊均可「變身」，一椅兩用，坐得舒服。
原價：$5,990
特價：$4,990(e)
罕有油皮
尺寸：闊187×深83×高81cm
意大利兩座位油皮梳化，油皮質料感覺比真皮更軟滑，加上帶點殘舊感的皮紋，款式比一般真皮梳化突出。若嫌真皮梳化太普通，這款會是不錯的選擇！
原價：$5,499
特價：$3,399(b)
摺背墊頸最舒服
尺寸：闊137×深77.6×高83×cm
意大利兩座位真皮梳化，用上軟熟水牛皮製造。將靠背摺下後可充當頸枕使用，兩邊椅背可獨立向前作不同角度的屈摺，外形較傳統梳化簡約輕巧，另有單座位供選擇。
原價：$3,090
特價：$2,790(e)
耐磨耐用BAS真皮
尺寸：闊178×深97×高74cm
新款KRAMFORS真皮兩座位梳化，梳化面用上耐磨耐用的BAS真皮，打理容易。靠墊及座墊內填滿高彈性聚酯泡膠，承托力頗高，獨特卡其色襯上新潮外形，款式夠Fresh，另有深褐色供選擇。
售價：$5,290(c)
百變梳化床款靚實用
屋企空間有限，又經常有朋友或親戚到訪兼宿一宵，梳化床絕對是首選，瞓得又坐得，開合方便又慳位，加上款式愈趨時尚，絕對適合現代家居布置！
一椅四用
尺寸：闊198×深93×高75cm
LESSEBO多用途梳化床，其流線型扶手可兼作茶几及儲物箱之用。將儲物箱的蓋打開，將其中一個背墊放進去，就可變成一張單人床，一椅四用，幫你慳番唔少位！
售價：$3,290(c)
床頭可調校角度
尺寸：闊203×深80×高73cm
FELIX三座位梳化床，梳化兩旁設有軟腍腍的曲形手枕，坐得舒服。將兩邊椅背大力向前推再放低，就可將之變成雙人床，床頭可任意調校不同斜度，睇書睇電視啱晒，布套可拆洗。
售價：$2,900(d)
＊須訂貨，需時三至四星期
不銹鋼椅架夠穩陣
尺寸：闊197.1×深85×高127cm
兩座位布藝梳化床，不銹鋼椅架，配合四大隻方形椅腳，穩打穩紮，坐同瞓一樣舒服又穩陣。開合簡易，將梳化座位墊一拉便可，有埋手枕充當床圍，點反瞓都無問題，椅套可拆洗。
售價：$1,699(b)
開合簡易
尺寸：闊117×深76.5×高70.8cm
迪基雙座位布梳化床，一身圓渾外形，款式時尚。將座墊部份向下拉即可變成一張長約173cm的雙人床，開摺簡單。床頭部份更可調校不同角度，一千蚊有找，超值！
原價：$1,996
特價：$968(a)
四方椅變單人床
尺寸：闊87×深78×高40cm
MAGNUM單座位梳化床，未變身前，梳化足可供兩人同時坐。拎走面頭的座位墊，將藏在椅內的床架拉出，四方梳化即時變成單人床，一收一合非常簡單，慳水又慳力，座位墊外套可拆洗。
售價：$3,280(d)
店舖資料
(a) 翡翠籐器 31567288
紅磡黃埔花園十二期地下4號舖
(b) 實惠 26638833
旺角彌敦道610號荷李活廣場一樓全層
(c) 宜家 31250888
九龍灣德福廣場二期三樓
(d) G.O.D 27845555
尖沙嘴海港城香港酒店3樓
(e) 吉之島 28846888
鰂魚涌康山道2號康怡廣場南
＊吉之島的梳化，特價期將於1月16日完結。