十二月二十六日，印尼發生九級大地震，引發海嘯，巨浪喺數秒間捲走無數生命。
連日來，受海嘯襲擊嘅國家公布死亡人數不斷增加，為咗向災民提供緊急支援，上星期初，蘋果日報慈善基金即時成立「亞洲地震及海嘯救災基金」，呼籲各界賑災，數日內收到捐款超過五百萬元，而蘋果基金嘅捐款熱線電話更加響個不停，唔少善長打嚟查詢捐款方法，大使接電話接到手軟，足以證明香港人唔係旁觀者，大使當然盡力解答大家嘅查詢。
喺呢件事上充份體現香港人嘅團結精神，而身處香港嘅大使亦感到自己十分幸福，應該去珍惜身邊一切。雖然香港嘅小市民唔能夠親自去災區協助救援，但你哋嘅慷慨解囊，一樣可以為災民雪中送炭。
災區現急需清理大量屍體，以防疫症爆發，另災民亦欠缺清潔食水及糧食，實有賴各界援手，是次募捐行動至本月十五日進行，所籌得款項，將全數轉交紅十字會，由該會向災民提供緊急醫療援助同派發賑災物資，包括帳篷、毛氈、清潔食水、糧食、煮食用具及蚊帳等。
「亞洲地震及海嘯救災基金」捐款編號：C1600
暖流熱線
電話：29908688
傳真：23702192
電郵：
網址：