關心妍和劉浩龍昨日到藍田出席商場活動，為了賑災，關心妍不時呼籲母親和男友捐錢給印尼海嘯災民，男友更即時答應。
關心妍說：「男友間餐廳遲啲都會將佢哋嘅一部份收益捐出嚟，我覺得佢好有心，如果有需要我會去佢餐廳打氣，或者幫襯食嘢。而媽咪間舖頭都會捐錢，𠵱家我就想同我嘅歌迷會搞個籌款活動。」
至於前晚在商台頒獎禮上得獎的劉浩龍，第二天馬不停蹄工作，對於他得獎時，緋聞女友何韻詩在台下表現開心，他說：「我睇到，佢梗支持啦！唔支持想死咩？咁難得嘅機會。」
對於好友許志安被喝倒采，事後安仔更一度黑面，劉浩龍說：「係咩？唔覺喎。我哋去慶祝時佢都好容光煥發呀，冇事嘅！」
採訪、攝影：王連連